ومضات

السلام عليكم ورحمة الله وبركاته
جايب لكم ومضات



ردت اوصفك للناس انته وصفك مو سهل
ردت اكلك انته ورده بس مايجي وصفي عدل
ردت اكلك انته ليلي بس دريت الليل ماخذ من عيونك كحل
ردت اكلك طير بس اخاف اطير وينكطع حبل الوصل
ردت اكلك انته ابويه وانته امي بس اخاف اظل بعيونك طفل
****************************
آنه لوكتلك اجي معناهه اجيك
وانت مامره كلتلي وجيتني
مره اذكر بالحلم كتلي تعال
واركض بنص الحلم خليتني
***************************
حاول ترسم شجرة وكيحة-تضحك من يضربها الفاس
وحاول ترسم واحد ميّت-روحه وردّه إتدوسه الناس
وحاول ترسم خد الذل-إيجدي البوس وما ينباس
وحاول ترسم عاگول إشتم عطر اليــــــاس
بس كلش لتحاول ترسم-وضع حسين من شاف چفوف العبــّاس
*****************************
وكيحه
لايروح فكركم بعيد
وكيح عند العراقيين تعني
شقي او غير مؤدب